Na e momentu aki ta trahando na e preparashon di un Ordenansa nobo pa ku e aserkamentu di maltrato di mucha i violensia relashonal. E ordenansa ta regla e base legal di e kódigo di protekshon (Kódigo di Protekshon) i e diseño di un punto di notifikashon- i konseho (ProtehaMi). E lei ta proveé den e derechi di notifikashon na lugá di obligashon di notifikashon, esei ta nifiká ku profeshonalnan no ta obligá pa notifiká, pero si ta obligá pa ku (sospecho di) maltrato di mucha i violensia relashonal, usa e Kódigo di Protekshon. Tambe den e lei ta wòrdu establesé kua gruponan di profeshonalnan mester usa e Kódigo, kiko ta e tareanan di e punto di konseho- i notifikashon i kon mester registrá i raportá. Tambe a establesé e outorisashonnan pa por pidi i prosesá informashonnan personal i ora falta ku sekresia profeshonal.
E lei ta duna un modelo di protokòl i ta obligá tur organisashonnan pa establesé por eskrito kon den nan organisashon nan ta atendé ku e Kódigo di Protekshon.