Profeshonalnan den vèlt ta wòrdu sostené na diferente manera den e introdukshon i aplikashon di e Kódigo di Protekshon, entre otro dor di nombra Supervisornan di Kódigo, organisá treinennan, tayernan i seshonnan di informashon.
Supervisornan di kódigo
E supervisor di kódigo den un organisashon ta un speshalista riba e tereno di maltrato di mucha i violensia relashonal i ta sostené koleganan pa inisiá i apliká tur e pasonan di e Kódigo di Protekshon. Kada organisashon ku ta legalmente obligá pa bai traha ku e Kódigo di Protekshon, tin mínimo un supervisor di kódigo disponibel.
Treinen, tayernan i seshonnan di informashon
Trein e treiner supervisornan di kódigo
Di 8 – 11 april 2024 e Landelijke Vereniging Aandachtsfunctionarissen Kindermishandeling en Relationeel Geweld (LVAK) ta duna un siguiente treinen na 15 treiner selektá komo supervisornan di kódigo na Kòrsou.
Treinen supervisornan di kódigo
Den april/mei 2024 e promé gruponan di supervisornan, pa medio di un treinen di tres dia, dor di e treinernan supervisornan di kֶódigo, ta wòrdu prepará riba nan ròl komo supervisor.
Mesa di deliberashon: Kiko ta maltrato di mucha
Den mart/april 2024 seshonnan di informashon interaktivo ta wòrdu organisá pa profeshonalnan den e dominionan bienestar, enseñansa, salubridat i seguridat pa por realisá un bista komún tokante maltrato di mucha, ku e resultado ku kasonan por wòrdu señalá mas mihó.
Mesa di deliberashon: Kiko ta violensia relashonal
Den mart/april 2024 seshonnan di informashon interaktivo ta wòrdu organisá dor di profeshonalnan den e dominionan bienestar, enseñansa, salubridat i seguridat pa por realisá un bista komún tokante di violensia relashonal, ku e resultado ku kasonan por wòrdu señalá mas mihó.