E Kódigo di Protekshon ta un kódigo ku ta aplikabel/konta pa tur profeshonalnan na Kòrsou ku ta traha ku muchanan, hòbennan i adultonan riba e tereno di bienestar, enseñansa i seguridat. Ku e Kódigo di Protekshon, palabrashonnan ta wòrdu hasí kon nan por señalá maltrato di mucha i violensia relashonal i siguidamente kua pasonan nan por tuma pa evitá òf stòp situashonnan insigur. E Kódigo di Protekshon ta aplikabel/konta pa tur profeshonalnan ku ta trahando komo indedenpiente òf na un instansia riba e tereno di kuido (hubenil), salubridat (hubenil), enseñansa, enseñansa obligatorio, krèsh, aktividatnan despues di skol, trabou den bario i sentro di bario, lider deportivo, kuido desabilitá, kuido di ansiano, kuido di víktima, kuido di migrante, reclassering(hubenil), protekshon di mucha, kuido hudisial i polis.
E wepsait ta un plataforma pa tur hende ku ke mas informashon òf ta buska sosten na momentu ku ta apliká e Kódigo di Protekshon. Banda di un splikashon di e 5 pasonan, tambe tin informashon tokante desaroyo di kapasidat i un mapa sosial, un toolkit i revistanan.
Pa mas informashon bo por tuma kontakto via info@kodigodiprotekshon.com.
